About ئۇيغۇربەگنىڭ ئويلىرى

ئۇيغۇربەگنىڭ ئويلىرى

ئۈندىدار سالونى دېگەن نەرسە يېڭىدىن چىققان ۋاقىتتا «بلوگ»، «توربېكەت» ۋە «مۇنبەر»لەرنىڭ ئورنىنى ئالالمايدۇ دەپ چالۋاقاپ يۈرگەن بولساممۇ، ھالبۇكى يېقىندىن بۇيانقى ھەممەيلەن چۈشىنىدىغان بۇ ئەھۋالدا ئۈندىدار سالونلىرى تور خۇمارىمىزنى بېسىقتۇرىدىغان ۋە بىر قىسىم ھاجەتلىرىمىزدىن چىقىدىغان مۇھىم ۋاستىلەرنىڭ بىرىگە ئايلاندى. ئۇنىڭدىن باشقا، ئەينى چاغدىكى بلوگ قىزغىنلىقىدا نام قازانغان بىر قىسىم بلوگگېرلارنىڭمۇ ئۈندىدار سالونىغا كۆچۈشىمۇ سالونچىلىقنى خېلى يامان ئەمەس يېتەكلەپ ماڭدى. بۈگۈن مەن بلوگداشلارغا مەن ئەگەشكەن بىر قانچە سالون(گۈزەللىك سالونى ئەمەس ھە!!!!!!!!!!!)نى تونۇشتۇرۇپ ئۆتكۈسىمەن.

ئەپ ياساشنى ئۆگىنىشدىن بۇرۇن، ئەپ بازىرىدا قارلىق، كاككۇك دېگەندەك شىركەت ياكى شەخىسلەرنىڭ ياسىغان ھەقلىق ئەپلەرنى سېتىۋېلىشدىن تازا قېچىپ، ئەپلەرنىڭ ھەقسىز قىلىنىۋېتىدىغان ھېيت – بايراملىق پائالىيەتلىرىغا ئىشتىھا ساقلاپ ئولتۇراتتىم. بىر زامانلار ئىچىمدە «ئاشۇ ئەپ ئاچقۇچىلار نىمداق پۇلپەرەز ئىنسانلاردۇ، جاپا تارتىپ ياسىغانكى ئۇيغۇر خەلقىگە ھەقسىز قىلىۋەتسە بولمامدۇ؟» دەپ ئويلايتىم، ھەمدە بىرەر كۈنى مەن ئەپ ياساپ قالسام ھەممىسىنى ھەقسىز قىلىۋېتىمەن دەپ تاس قالغان «ئوچۇق خەت»دىن بىرنى يېزىۋەتكىلى. ھالبۇكى، ئارىدىن نەچچە يىل ئۆتۈپ، ئاغزىمغا سائەت چىققاندەك ئۆزۈممۇ بىلىپ بىلمەي ئەپ بازىرىدا ئون قانچە ھەقسىز ئەپى بار يالاڭتۆش ئەپچىنىڭ بىرىگە ئايلىنىپ قالدىم-دە، بۇ ئەپ ئېچىشنىڭ ئارقىسىدىكى بەدەل ۋە تەرلەرنىڭ قەدرىگە يەتكەندە، تۇيۇقسىز ئويلىنىپ قالدىم، ھەقسىز ئەپ ياساپ ساراڭمۇ بىز؟

ئالدىنقى يازمىمىز «‎بلوگگېرلار ئۈچۈن يېڭى تورنامى .BLOG تىزىملىتىشقا ئېچىۋېتىلدى» ئېيتىلغاندەك، بلوگگېرلارغا تولىمۇ ماس كېلىدىغان بۇ تور نامى ھازىر تىزىملىتىشقا ئېچىۋېتىلدى. ئەلۋەتتە، ھېلىھەم بلوگ ئىشقىدا كۈيۈۋاتقان پىشقەدەم بلوگگېر بولۇش سالاھىيىتىم بىلەن، بۇ تور نامىنى كەڭ ئۇيغۇر بلوگگېرلىرىغا تەشۋىق قىلىشنى ئۆزەمنىڭ بۇرچى دەپ ھېسابلاپ، بۇ يازمىنى تەييارلاپ ئولتۇرۇپتىمەن، بۈگۈن بۇ تورنامىنى ئىشلىتىشنىڭ ئارتۇقچىلىقى ھەققىدە توختىلىمىز ئەلۋەتتە. قىزىققان بولساڭلار، قېنى يازمىغا مەرھەمەت…

domains

ئەسسالامۇ ئەلەيكۇم ئەزىزلەر، ئالدى بىلەن 12 ئاينىڭ سۇلتانى بولغان رامىزان ئېيىڭلارنى ئىچىمدىن مۇبارەكلەيمەن ھەمدە تۇتقان روزاڭلار، قىلغان ئىبادىتىڭلارغا مىڭ ھەسسە ساۋاب يېزىلىشىنى ئۈمىد قىلىمەن. بۈگۈنكى يازمىمىزدا مەن تورنامى  ۋە تورنامى تاللاش جەھەتتىكى ئويلىغانلىرىمنى تورداشلار بىلەن ھەمبەھىرلەپ ئۆتىمەن. تورداشلارنىڭ ئويلىغانلىرىنى مەزكۇر يازمىغا يانداش قالدۇرۇپ مېڭىشىنى ئۈمىد قىلىمەن.

design-730x280

بلوگ ئارقىلىق تونۇشۇپ، ئاغىنە بولۇپ ئۆتكەن پرېستاننىڭ تۇيۇقسىز ھالدا «پۈتۈنلەي قول ئۈزدۈم» دېگەن گېپىنى ئاڭلاپ، ھەيرانلىقىمنى يۇشۇرالماي «نېمىدىن» دەپ سورىدىم، «بلوگدىن» دېگەن جاۋابىنى ئاڭلىغاندىن كېيىن، ھەم ھەيران بولدۇم. ئۇزۇن مەزگىل بلوگ ئارقىلىق تونۇشقان دوست – يارەنلەرنىڭ بۇ سەپدىن بىر – بىرلەپ چۈشۈپ قالغانلىقىغا شاھىد بولغانلىقىم ئۈچۈن، بۇ گەپكە ھەم ھەيران بولمىدىم. ئەمدى، قاتىل پرېستانمۇ بۇ سەپتىن چىكىنگەن بولسا، ئەمدى ئىچىمدىن چىقىرىپ تۇرۇپ شۇنى بەھۇزۇر جاكارلىيالايمەنكى، ئۇيغۇرلاردا بلوگ ئۆلدى!

banner-ios-developer-course-1

ئالدىنقى يازمىمىزدا بىز لازىملىق كىتاب ۋە بىر قىسىم تەييارلىق ھەققىدە ئويلىغانلىرىمنى ئورتاقلاشقان ئىدىم. ئەلۋەتتە، كىتاب بىلەنلا قالماي يەنە بىر قىسىم زۆرۈر دەرسلىكنى كۆرۈپ چىقىشىمىزمۇ بىز ئۈچۈن ئىنتايىن مۇھىم. بۈگۈنكى يازمىمىزدا ئاساسلىقى مەن ئەپ ئېچىشنى ئۆگىنىش جەريانىدا ئۇچراتقان ھەمدە ماڭا نىسبەتەن بىر قەدەر ياخشى دەپ قارىغان مۇناسىۋەتلىك دەرسلىكلەرنى كۆپچىلىك بىلەن ئورتاقلاشقۇسىمەن.

1obAm_vblOhOy2snpg19LAA.jpg

ئەسسالامۇ ئەلەيكۇم ئەزىزلەر. يېقىندا، ئۆزۈمگە تايىنىپ يۈرۈپ، بىر نېمىلەرنى قىلىپ، توختىماي قىمىرلاپ يۈرۈپ، ئۆزۈمگە يارىغان بىر ئىككى ئەپنى( شېئىرنامە ۋە ئۇيغۇربەگ پرو) پۈتتۈرۈپ چىقتىم، ئۇنىڭدىن باشقا دەسلەپ قىلغاننىڭ ئورنىغا ئىككى بېكەتنىڭ ئەپ قۇرۇلىشىنى ئۆز ئۈستۈمگە ئېلىپ، تۇنجى قەدەمدە كىرىم قىلغانمۇ بولدۇم. ئەلۋەتتە، مەن بۇ جەريانلارنى پەقەت ئۆزۈمگە تاياندىم، مەنمۇ يېڭى باشلىغان نۇرغۇنلارغا ئوخشاش بەك كۆپ ئىسسىق – سوغۇقلارنى باشتىن كەچۈردۈم، <<يېڭى باشلىغاندا بىرى ياخشى يىتەكلىگەن بولسا…>> دەپ نالە قىلدىم، نالەم نالە پېتى قالدى، ئەمما تەر تۆكۈشنى توختاتمىدىم.  ۋەھازاكى، بۈگۈن قۇياش چىقتى. بەلكىم، نۇرغۇن قارا كۆزلەر ماڭا ئوخشاش قۇياشنى كۈتۈۋاتقان بولۇشى مۇمكىن. بۈگۈنكى بۇ يازمام نۆلدىن باشلاپ ئەپ ياساش ئارزۇسى بارلارغا بېغىشلىنىدۇ.

پروگرامما تۈزۈشنى ئۆگىنىش داۋامىدىكى 5 تۇيغۇم - ئۇيغۇربەگ بلوگى

ئەسسالامۇ ئەلەيكۇم ئەزىزلەر. بەلكىم ھىس قىلىۋاتقانلىقىڭلاردەك، بىر نەچچە ئايدىن بىرى مېنىڭ توردىكى ۋە بلوگدىكى ئاكتىپچانلىقىم تۆۋەنلەپ، سەپرايىم ئۆرلەپ، گەپلىرىم قالايمىقانلىشىپ دېگەندەك بىنورمال ئەھۋاللار كۆرۈلۈش بىلەن بىرگە، «ئۇيغۇربەگ» ۋە «تۈركچەم» دېگەن ئىككى ئەپ ئاسماندىن توككىدە چۈشۈپ قالدى.  مەن سىلەرنى ئۆز كۆرگەچكە، ھوللىۋودنىڭ كىنولىرىدا چىقىدىغان FBIنىڭ مەخپىيەتلىكىدىن بىرنى ئاشكارلاپ ئۆتۈۋېتەي، مەنمۇ ھازىر iOS پروگراممىلىرى ئېچىشنى مەشىق قىلىۋاتىمەن…